عديت الخطاوي
بقلم: صلاح شعبان الفيداوي
القاهرة
عديت الخطاوي
ما بين بيتي
وبين بيتك
لقيت الخطاوي
بعد الألف خمسين
ياخطاوي عديتك
أمتى المراد يكون
وبيتي يكون بيتك
وألاقيكي قدامي قمر
والله بقلبي حبيتك ….
وتزيني بيتي وتسعدي
ومن كل العيون خبيتك
رحلتي كانت في الهوى
ومن هوايا رميتك
في القلب معايا سكنتي
وتعبت لما لقيتك
قمر ومنور سمايا
يفضل ديما معايا …
و برموشي أنا غطيتك
عديت الخطاوي
ولأجلك كله يهون
علشان خاطر عيونك
أصلي أنا حبيتك
